Voor-Beltrummeraren…voor de opening van onze kermismaandag 2013 hierbij alvast het volkslied van Voor-Beltrum.

Oefenen, oefenen…..en maandagmorgen 12 augustus 09.30 uur gaan we het meemaken!

Succes!

VOLKSLIED VAN VOOR-BELTRUM

“’t Veur-Beltrumse land… ”

Refrein; An ’t Veur-Beltrums land, he’k mien harte verpand,

de leu kent mekaar van kinder tot vaa,

noabers um oew hen, stoat altied veur oew klaor,

’t ister zo gemeudelijk, jao leu dat is waor!

Ik bun ne Veur-Beltrumsen dat deut mien good,

ne buurte um fijn in te lèven,

ze melkt d’r beeste, en bakt d’r ’t brood,

doar valt altied wat te beleven.

Is ’t ne karmisse of ’t is carnaval,

gin Veur-Beltrumsen dee dat missen zal!

Refrein;

De boern dee verbouwd hier maïs biej de vleet,

dan ister neet wiet meer te kieken,

maor zo in oktober dan wordt dat e’kneusd,

gift oetzicht veur armen en rieken.

En he’w dan d’n maïs dan op ne riege nao los,

dan ister ’n knientjen heel vake de klos!

Refrein;

Wiej hebt zageriejen neet eene maor twee,

ok autogarages moj wetten,

en he’j ’s ne dutte in Ford of VW,

dan köj ‘m biej ons laoten pletten.

Ne tuinman heb wiej ok met ’t niejste idee,

den maakt jao plannen, gin eene maor dree!

Refrein;

Dan hei de buurtschappen, mangs heel arg flink,

da’s Auste en ’t Velleken en Schependom ok,

D’n Dieselbrink en ok d’n Koelinkbrink,

zee gaot d’r meestal met de hoonder op stok.

Maor gezellig is ’t ok in Halfwegs café ……

dan zeede wiej oos berre veurlopig nog neet …..

Refrein; 2x